સસ્પેન્ડેડ PSIના 13 વર્ષ ના કિશોર પુત્રનું પરાક્રમ,નાબાલીક પુત્ર એ દારૂ બિયરના જથ્થાની પોલીસ હેડ ક્વાર્ટરમાંથી કરી ચોરી...

જામનગરમાં પોલીસ હેડક્વાર્ટરમાં મુદ્દામાલ રૂમના દરવાજા અને તાળા તોડી સસ્પેન્ડેડ PSI ના તરુણ પુત્રએ પાંચ મહિનાના સમયગાળા દરમ્યાન રૂ. ૧,૫૫,૫૦૦ની કિમંતની ૩૦૦ થી વધુ દારૂની બોટલની ચોરી કરી હોવાની સીટી બી ડીવીઝન માં પોલીસ ફરિયાદ નોંધાઈ છે. પોલીસ હેડક્વાર્ટરમાં જ ચોરી અને એ પણ સસ્પેન્ડેડ પોલીસ ના પુત્રદ્વારા ચોરીના બનાવ થી પોલીસબેડામાં ખળભળાટ મચી જવા પામ્યો છે.

બાપ તો બાપ, પણ બેટા પણ સવાયા નીકળ્યા એવું વારેવારે સાંભળવા મળે છે, ત્યારે જામનગરમાં આવો કિસ્સો સામે આવ્યો છે. જેમાં અગાઉ જામનગર અને દેવભૂમિ દ્વારકા જિલ્લામાં પીએસઆઇ તરીકે ફરજ બજાવી ચૂકેલા અને હાલ સસ્પેન્ડેડ શૈલેન્દ્રસિંહ ભદોરીયા નામના પીએસઆઇના 13 વર્ષીય પુત્રે પરાક્રમ કર્યુ છે.

આ અંગે ની વિગત મુજબ, અગાઉ જામનગર અને દેવભૂમિ દ્વારકા જીલ્લામાં પીએસઆઈ તરીકે ફરજ બજાવી ચુકેલા અને હાલ સસ્પેન્ડેડ શૈલેન્દ્રસિંહ ભદોરિયાના 13 વર્ષીય તરુણ પુત્રએ છેલા પાંચેક મહિનાના સમયગાળા દરમ્યાન જામનગરમાં પોલીસ હેડક્વાર્ટરમાં સાઈબર ક્રાઈમ ઓફીસ પાછળ આવેલ મુદ્દામાલ રૂમના દરવાજા અને તાળા તોડી અંદર પ્રવેશી રૂ. ૧,૫૫,૫૦૦ની કિમંતની 317 નંગ દારૂની બોટલ તથા 7 નંગ બીયરના ટીનની ચોરીકરી હોવાની પોલીસ ફરિયાદ નોધાઇ છે. આ ઉપરાંત રૂ 400ની કિમંતના 2 નંગ બીયરના ટીન તથા રૂ 14,500 ની કિમંતની 29 નંગ વ્હીસ્કીની બોટલ તેના કબજામાં ગેરકાયદેસર મળી આવતા પોલીસ દ્વારા ગુનો નોંધી વધુ તપાસ હાથ ધરી હતી.

દૈનિક, સાપ્તાહિક, માસિક અને વાર્ષિક જાહેરાત આવકારીએ છીએ દરેક બ્રેકિંગ ન્યૂઝ માં જામનગર તેમજ તમામ સોશિયલ મીડિયા ના પ્લેટફોર્મ પ્રસિદ્ધ કરવામાં આવશે સંપર્ક નો -8733879999

🪀 નવા નવા ન્યૂઝ અને માહિતી મેળવવા માટે ક્લિક કરી અમારા સત્ય કા સામના બ્રેકિંગ ગ્રુપમાં જોડાઓ- https://chat.whatsapp.com/E2bRSDJlsGuHnpwaBxhuya